வைகாசி மாத ராசி பலன் 2020

ரிஷபத்திற்கு சூரியன் பெயர்ச்சி ஆவதால் எந்தெந்த ராசிக்கு நல்ல பலன்கள் கிடைக்கும் தெரியுமா?

சூரியன் ரிஷப ராசியில் சஞ்சரிக்கக் கூடிய வைகாசி மாதத்தில் ஒவ்வொரு ராசிக்கும் எப்படிப்பட்ட நல்ல பலன்கள் கிடைக்கும், எதில் கவனமாக 

இருக்க வேண்டும் என்பதை இங்கு விரிவாக பார்ப்போம்.

மேஷம் முதல் சிம்மம் வரை வைகாசி மாத பலன்

ஜோதிடத்தில் மொத்தம் உள்ள 12 ராசிகளில், ஒவ்வொரு ராசியில் சூரியன் சஞ்சரிக்கும் போது, ஒவ்வொரு தமிழ் மாதமாக கடைப்பிடிக்கப்படுகிறது. 

அப்படி ரிஷப ராசியில் சூரியன் இருக்கக்கூடிய மாதம் வைகாசி மாதமாகும். 2020 மே 14ம் தேதி முஹ்டல் ஜூன் 15ம் தேதி வரை என 32 நாட்கள் கொண்ட 

மாதமாக வைகாசி மாதம் உள்ளது.

ரிஷபத்தில் சூரியன் இருக்கக் கூடிய வைகாசி மாதத்தில் ஒவ்வொரு ராசிக்கும் எப்படிப்பட்ட பலன்கள் கிடைக்கும் என்பதைப் பார்ப்போம்.

மேஷம்

மேஷ ராசிக்கு 2ம் இடமான குடும்ப, தன ஸ்தானத்தில் சூரியன் செல்வதால் பல வழியில் பொருளாதார நிலை மேம்படக்கூடும். குடும்பத்தில் சுப

 நிகழ்வுகள் நடக்க வாய்ப்புள்ளது. குடும்ப உறுப்பினர்களுடனான விட்டுக் கொடுத்தல், நெருக்கம் அதிகரிக்கும். குடும்ப உறுப்பினர்கள் மூலம் நல்ல 

தன வரவு ஏற்பட வாய்ப்புள்ளது.

ரிஷபம்

ராசியில் சூரியன் வரக்கூடிய இந்த மாதம் மிக யோகமானதாக அமையும். அதாவது பண விஷயங்களில் உங்களுக்கு வருமானம் கிடைக்கக்கூடிய, நல்ல தகவல்களைக் கேட்கக் கூடிய சுப நிகழ்வுகள் நடக்கும்.. குடும்பத்திலும் மற்றும் தொழில் குறித்த நல்ல செய்திகளை நீங்கள் தொடர்ந்து பெறுவீர்கள்.

மிதுனம்

மிதுன ராசிக்கு 12ம் இடமான விரய மோட்ச ஸ்தானத்தில் சூரியன் செல்வதால் ஒருவகையில் பொருளாதார நிலை மேம்பட்டாலும்,மறுபுறம் 

விரய செலவுகள் ஏற்படும். வண்டி, வாகனம் வாங்குதல், திருமணம் உள்ளிட்ட சுப விரயங்களாக இருக்கக்கூடும். முடிந்த வரை சேமித்து வைக்க 

பழகுங்கள். பேச்சில் கவனமாகவும். மென்மையாக இருங்கள். இல்லையெனில் தீங்கு ஏற்படலாம்.வேலையை மாற்றம் செய்ய விரும்புபவர்களுக்கு வாய்ப்புக்கள் அமையும். எதிரிகளிடம் சற்று கவனமாக இருக்கவும்.

கடகம்

கடக ராசிக்கு 11ம் இடத்தில் அதாவது மூத்த சகோதரர், லாப ஸ்தானத்தில் சூரியன் வருவதால் நல்ல பலன்கள் கிடைக்கும். மூத்தோர்களின் அறிவுரை, 

ஆலோசனை கிடைக்கும். இதன் மூலம் தொழிலும் சரி, குடும்ப வாழ்க்கையிலும் முன்னேற்றம் கிடைக்கும். முடிந்த வரை நீண்ட தூர இரவு நேர பயணத்தை தவிர்ப்பது அவசியம். தேவைப்படுபவர்களுக்கு உதவி செய்யும் வாய்ப்பு கிடைக்கும்,. குடும்பத்தில் மகிழ்ச்சியான சூழல் நிலவும்.

சிம்மம்

சிம்ம ராசிக்கு 10ம் இடமான கர்ம, தொழில் ஸ்தானத்தில் சூரியன் அமர்கிறார். ஏற்கனவே அந்த 10ம் வீட்டில் சனி, குரு வக்ர நிலையில் உள்ளனர். இருப்பினும் சிம்ம ராசிக்கு தொழில். வியாபாரத்தில் நல்ல முன்னேற்றம் ஏற்படக்கூடிய வாய்ப்புக்களும், திட்டங்களும் தோன்றும். வேலை தேடுவோருக்கு புதிய வேலைவாய்ப்பு அமையக்கூடும். உங்களின் முயற்சி ஏற்ற வெற்றி கண்டிப்பாக கிடைக்கும்.

கன்னி

                                                  கன்னி ராசிக்கு 9ம் இடத்தில் வரக் கூடிய சூரியன் பாக்கியங்களை தரக்கூடிய அமைப்பு உண்டு. புதிய சொத்துக்கள் வாங்கும் வாய்ப்பு உண்டு. உத்தியோகஸ்தர்களுக்கு வேலை குறித்த மன அழுத்தமும் பதட்டமும் இருந்தால், இதைத் தணிக்கக் கூடிய மாதமாக இருக்கும். உங்களுக்கு சக ஊழியர்கள் சாதகமாக இருப்பார்கள். பணிச்சுமை ஏற்படலாம். சிலருக்கு புதிய வேலை வாய்ப்பு கிடைக்கக்கூடும்.

துலாம்

துலாம் ராசிக்கு 8ம் இடத்தில் சூரியன் சஞ்சரிக்கிறார். ஆயுள், துஸ் ஸ்தானமாக அமைவதால் சற்று கவனமாக இருக்க வேண்டியது அவசியம். 

இந்த மாதம் குடும்பத்திலும். வேலை, தொழிலில் சற்று ஏற்ற இறக்கத்துடன் செல்லும். ஆரோக்கியத்தில் சிறப்பு கவனம் செலுத்த வேண்டும். பணப் பிரச்சினைகள் தொடர்பாக முக்கியமான முடிவுகள் எடுக்கப்பட வேண்டியது அவசியம். இல்லையெனில் இழப்புகள் ஏற்படக்கூடும்.

விருச்சிகம்

விருச்சிக ராசிக்கு 7ம் இடத்தில் சூரியன் சஞ்சரிக்கிறார். மனைவி. தொழில் கூட்டாளி ஸ்தானம் என்பதால் மிக நல்ல பலன்களை பெற உள்ளீர்கள்.

 திருமண வாழ்வில் மகிழ்ச்சிகரமான நிகழ்வுகள் நடக்கும். அதே நேரத்தில் கணவன்-மனைவி இடையே கருத்து வேறுபாடுகள் அதிகரிக்கக்கூடும்.

அந்த நேரத்தில் நீங்கள் ஒருவருக்கொருவர் புரிந்து கொள்ள முயன்றால் சூழ்நிலைகள் உங்களுக்கு ஆதரவாக 

இருக்கும். நீங்கள் ஒரு தொழிலதிபராக இருந்தால், கண்களை மூடிக்கொண்டு யாரையும் நம்பாதீர்கள், நீங்கள் இழப்பைச் சுமக்க 

வேண்டியிருக்கும். எதில் முதலீடு செய்வதாக இருந்தாலும் நன்கு ஆலோசனைம் விசாரணை செய்து பின்னர் செய்யவும்,

தனுசு

தனுசு ராசிக்கு 6ம் இடமான நோய், எதிரிகள் ஸ்தானத்தில் சூரியன் சஞ்சரிப்பதால் சற்று சிக்கலாக செல்லக் கூடிய மாதமாக இருக்கும். இந்த 

நேரத்தில் நீங்கள் நாள்பட்ட பிரச்சினைகளிலிருந்து விடுபடுவீர்கள். மேலும் உயர் அதிகாரிகளுடனான உறவு சிறக்கும். உங்களுக்கு குடும்ப ஒத்துழைப்பும் இருக்கும். உடல் ஆரோக்கியத்தில் சற்று கவனம் தேவை. எதிரிகள் சற்று மேலோங்கும் நிலை இருக்கும். பண விஷயத்தில் கவனமாக இருங்கள்.

மகரம்

மகர ராசிக்கு 5ம் பூர்வ புண்ணிய ஸ்தானத்தில் சூரியன் சஞ்சரிப்பதால் மிக நல்ல பலன்களை அனுபவிக்க உள்ளீர்கள். காதல் வாழ்க்கையில் சிறு சலசலப்பு இருக்கும். எந்த ஒரு விஷயத்திலும் உடனடியாக முடிவு எடுக்க வேண்டாம். பொறுமையாக சிந்தித்து. ஆலோசித்து முடிவெடுப்பது நல்லது. துணையுடன் பேசும் போது கவனமாக இருப்பது நல்லது. புதிய வீடு, வாகனம், மனை வாங்கும் வாய்ப்பு அமையும்.

கும்பம்

கும்ப ராசிக்கு 4ம் இடமான சுக, தாயார் ஸ்தானத்தில் சூரியன் சஞ்சரிக்கிறார். இதனால் உங்களுக்கு தொழிலிலும், குடும்பத்திலும் மரியாதை பெறுவீர்கள்.எல்லோரும் உங்களைப் போற்றி மதிப்பார்கள். நீங்கள் ஒரு தொழிலதிபராக இருந்தால், நற்செய்தி உங்களுக்காகக் காத்திருக்கிறது. ஆனால் இந்த நேரத்தில் ஆரோக்கியத்தில் சற்று கவனம் தேவை.

மீனம்

சூரியன் உங்கள் ராசிக்கு 3ம் இடமான இளைய சகோதரர், தைரிய ஸ்தானத்தில் வருவதால் மீன ராசிக்கு நல்ல அதிர்ஷ்டத்தைக் கொடுக்கப் போகிறது. நீங்கள் பூர்வீக சொத்திலிருந்து லாபம் பெறலாம். புதிய வேலை வாய்ப்புகளையும் பெற சாத்தியமான காலமாகும். உடல்நலம் நல்ல முன்னேற்றம் இருக்கும். ஆரோக்கியம் சிறக்கும். இருப்பினும் ஆரோக்கியத்தில் சற்று கவனமாக இருக்கவும். அன்புக்குரியவர்கள் மற்றும் உறவினர்களுடனான உறவை மேம்படுத்துவீர்கள்.